Մինի բառախաղ

Մասնակիցների քանակ 2-4

Բառախաղը արտասահմանում մեծ տարածում գտած ինտելկտուալ խաղի հայ ինտելեկտուալ հասարակության համար առաջարկվող մեր տարբերակն է:

Տուփում կան խաղաքարտեր, կանոնների թերթիկ և մեկ ավազի ժամացույց:

Մասնակիցները պետք է 1 րոպեի ընթացքում հնարավորինս շատ բառեր բացատրեն՝ չօգտագործելով գուշակվելիք բառի անմիջապես ներքևում գրված՝ արգելված բառերը:

Խաղը հրաշալի միջոց է ժամանցն ու գիտելիքի ձեռքբերումը համատեղելու, միտքը մարզելու, այլընտրանքներ գտնելու, առողջ մրցակցելու և արգելքներ հաղթահարելու համար: Սա խաղ-մարտահրավեր է, որը կարող են ընդունել և որին կարող են մասնակցել բոլորը՝ թե գերազանցիկները, թե ցանկացած ուրիշ գնահատականներ ստացողները. չէ՞ որ ինտելեկտը գնահատական չի հարցնում: Ինչու ոչ, խաղին կարող են մասնակցել նաև նրանք, ովքեր վաղուց գնահատականներ չեն ստանում, ավելին, նաև նրանք, ովքեր իրենք են գնահատում: