12-112 երիտասարդներին – Hol.am https://hol.am Wed, 13 May 2026 17:07:43 +0000 hy-AM hourly 1 https://wordpress.org/?v=6.9.4 https://hol.am/wp-content/uploads/2024/06/favicon-2-1-32x32.png 12-112 երիտասարդներին – Hol.am https://hol.am 32 32 Անվերջ https://hol.am/anverj/ Wed, 13 May 2026 17:04:22 +0000 https://hol.am/product/%d5%a1%d5%b6%d5%be%d5%a5%d6%80%d5%bb/ Տուփի կողքի համար
📦 Խաղում ներառված են
100 թեմատիկ խաղաքարտ
100 տառերով քարտեր
Պտուտակ
Ավազի ժամացույց

Աբլոժկայի վրա
👥 Խաղացողների քանակը դարձու 2-5

Խաղը կազմված է ռաունդներից, որոնցից յուրաքանչյուրը տևում է 1 րոպե։
⚙️ Խաղի մեկնարկ։
Տառերով քարտերը բաժանվում են խաղացողների միջև հավասար քանակությամբ ( 3 մասնակիցների դեպքում` 33-ական), իսկ թեմատիկ խաղաքարտերը դրվում են առանձին տրցակներով՝ ըստ թեմայի։
Յուրաքանչյուր խաղացող իր ձեռքում պահում է 3 քարտ իսկ մնացած քարտերը դրվում են իր անձնական կույտում՝ փակ վիճակում։

▶️ Խաղի ընթացքը։
Խաղացողներից որևէ մեկը պտտում է սլաքը, հասկանալու համար, թե որ խաղաքարտն է պետք շրջել, ինչից հետո վերցնում եք համապատասխան պատկերով թեմատիկ քարտ։
Քարտը դնում եք սեղանի կենտրոնում այնպես, որ բոլորը տեսնեն, որից հետո շրջում եք ավազի ժամացույցը։

⚡️ Հիմնական խաղը
Բոլոր խաղացողները միաժամանակ սկսում են խաղալ։
Պետք է ասել այնպիսի բառեր, որոնք՝
համապատասխանում են թեմատիկ քարտի թեմային
սկսվում են քո ձեռքի տառերից որևէ մեկով
👉 Օրինակ
Կատեգորիա՝ «կենդանիներ»
Տառ՝ «Ս»
Պատասխան՝ «սկյուռ» / «սարդ» / «սագ»

Եթե ճիշտ բառ եք ասում․ ապա ազատվում եք այդ քարտից և դնում այդ տառի քարտը սեղանին։
Անմիջապես վերցնում նոր տառ սեփական կույտից ու շարունակում խաղալ առանց կանգնելու։

⏳ Ռաունդի ավարտ
Երբ ժամանակը վերջանում է → ռաունդը ավարտվում է։
Հաջորդ խաղացողը սկսում է նոր ռաունդ (պտուտակի պտույտ + նոր քարտ)

🏆 Խաղի ավարտ
Խաղը շարունակվում է, մինչև
խաղացողներից մեկի տառերի քարտերը վերջանան։
Այդ խաղացողը հաղթում է։

❗️ Կարևոր է հիշել։
Բոլորը խաղում են միաժամանակ, ոչ թե հերթով։
Պետք է խոսել արագ, առանց կանգնելու։
Մասնակիցների հնչեցրած բառերը կարող են իրար համընկնել ։
Ամեն պատասխանից հետո տառը փոխվում է։
Նույն մասնակցին չի կարելի կրկնել արդեն ասած բառը այլ ռաունդում։
Կարելի է ասել որքան հնարավոր է շատ բառ յուրաքանչյուր ռաունդում։

]]> Պտտիր աշխարհը https://hol.am/haykfreestyle/ Sat, 13 Dec 2025 09:42:00 +0000 https://hol.am/?post_type=product&p=32746 Խաղում ներառված են 99 խաղաքարտ, 100 թղթե գնդակներ և պտուտակ։
Խաղը սկսում ենք, երբ թղթե գնդակները, խաղաքարտերն ու պտուտակը դրված են սեղանին:
Խաղում մասնակիցների քայլ կատարելու հերթականությունը կարող եք որոշել ինքնուրույն կամ ըստ տարիքի աճման կարգի: Խաղը սկսելուց առաջ 3 թեմատիկ խաղաքարտերը ըստ թեմայի առանձին-առանձին անհրաժեշտ է խառնել: Խաղի ընթացքում մասնակիցները խաղաքարտերը պետք է դրված թողնեն հարցերը փակ կողմով:
Մասնակիցները պտուտակը պտտում են՝ ըստ հերթականության, ժամսլաքի ուղղությամբ: Եթե խաղի ընթացքում հասցրել են ավարտվել թեմատիկ խաղաքարտերից որևէ մեկը կամ մի քանիսը, անհրաժեշտ է ընտրել ժամսլաքի ուղղությամբ հերթական հաջորդ տարբերակը: Պտուտակը հարկավոր է կիրառել խաղի ողջ ընթացում: Խաղաքարտերից յուրաքանչյուրը կազմված է երկու հարցից և երեքական պատասխաններից, որոնցից միայն մեկն է ճիշտ՝ թռչնակով առանձնացվածը: Այդ պատճառով հարցերը պետք է կարդա մեկ այլ մասնակից, իսկ պատասխանի մյուսը, ընդ որում, խաղաքարտը փակ վիճակում ընտրում է պատասխանող մասնակիցը, իսկ ճիշտ կամ սխալ պատասխանները կարող է տեսնել խաղաքարտւ վրայի հարցերին պատասխանելուց հետո միայն:
Յուրաքանչյուր ճիշտ պատասխան կամ առաջադրանքի կատարելը մասնակցին տալիս է մեկ միավոր՝ գնդակի տեսքով։ Ի դեպ, գնդակի ընտրությունը կատարվել է ՀայկՖրիսթայլի հետ միասին, քանի որ այն վերջինիս ամենասիրելի գնդակն է։ Խաղաքարտի հարցերին ճիշտ կամ սխալ պատասխանելուց, առաջադրանքի կատարելուց կամ չկատարելուց հետո խաղաքարտ ընտրելու հնարավորությունն անցնում է հաջորդ մասնակցին:
Խաղում հաղթելու համար առաջարկվում է 3 սցենար․
I) Խաղի մեկնարկին որոշվում է հաղթելու համար միավորների քանակը՝ օրինակ 10։ Այս դեպքում խաղի այն մասնակիցը, ում գնդակների քանակը առաջինն է հասնում 10-ի նա հաղթում է։
II) Խաղում ենք ֆիքսելով ժամանակ՝ օրինակ 10 րոպե։ 10 րոպեն լրանալուն պես հաշվում ենք գնդակների քանակը, ում գնդակների քանակը ամենաշատն է՝ նա էլ հաղթում է։
III) խաղում ենք այնքան, մինչև կավարտվեն թեմատիկ խաղաքարտերից որևէ մեկը։ Կրկին կհաղթի ավելի շատ խաղաքարտ ունեցող մասնակիցը։
Ոչ ոքի կարող է գրանցվել այն դեպքում, երբ խաղը ավելի շուտ սկսած մասնակիցը I խաղային սցենարի դեպքում հավաքել է 10 միավոր, իսկ իրենից խաղը ավելիլ ուշ սկսած խաղընկերը ունի 9 գնդակ և դեռ շանս ունի խաղի հաշիվը հավասարեցնելու։ Ոչ ոքի ելք կարող է լինել նաև, երբ II և III խաղային սցենարների դեպքում խաղի ավարտին 2 կամ ավել մասնակից ունեն առավելագույն, բայց հավասար միավորներ։
Դե ի՞նչ, պտտի՛ր աշխարհը։

]]> Փլվելու խաղ https://hol.am/plvelu_khagh/ Sat, 17 May 2025 11:28:35 +0000 https://hol.am/?post_type=product&p=32680 ՓԼՎԵԼՈՒ ԽԱՂԸ հետաքրքիր և հմտություններ զարգացնող խաղ է բոլորի համար։

ՓԼՎԵԼՈՒ ԽԱՂԸ ուշադրություն պահանջող սեղանի խաղ է, որը նախատեսված է 2-ից 4 մասնակիցների համար։ Խաղի նպատակը՝ հնարավորինս երկար պահել աշտարակը կանգուն՝ հերթով հեռացնելով փայտիկները և տեղադրելով դրանք աշտարակի վերևում։

Խաղը սկսելու համար փայտիկներից կառուցվում է աշտարակ՝ երեքական փայտիկ մեկ հարկում։ Յուրաքանչյուր նոր հարկ դրվում է նախորդի նկատմամբ հակառակ ուղղությամբ այնպես, որ փայտիկի վրա գրված առաջադրանքները մնան ներքևում։ Ընդհանուր ստացվում է 18 հարկ։

Խաղի ընթացքը

Խաղացողները հերթով հեռացնում են մեկ փայտիկ՝ աշտարակի միջին կամ ստորին հարկերից՝ օգտագործելով միայն մեկ ձեռքը։ Վերցված փայտիկը տեղադրվում է աշտարակի վերևում՝ ձևավորելով նոր հարկ։

Հենց այստեղ է սկսվում խաղի հետքրքիր հատվածը։
Յուրաքանչյուր փայտիկի վրա գրված է առաջադրանք։ Որպեսզի խաղը անցնի հաջորդ մասնակցին փայտիկը հեռացնող մասնակիցը պետք է կատարի գրված առաջադրանքը։
Եթե առաջադրանքը չեք կատարել, միևնույնն է պետք է տվյալ փայտիկը տեղադրեք աշտարակի վերևում և քաշեք ևս մեկ տուգանային փայտիկ, և այդպես այնքան ժամանակ, մինչև փայտիկի վրայի առաջադրանքը կլինի կատարված։

Թույլատրվում է թեթևակի շարժել փայտիկները՝ հասկանալու համար, թե որն է ավելի հեշտ հեռացվող։ Խաղն ընթանում է հերթափոխով այնքան ժամանակ, քանի դեռ աշտարակը չի փլվել։

Խաղն ավարտվում է այն պահին, երբ աշտարակը փլվում է։ Նա, ում քայլի ժամանակ աշտարակը քանդվում է, համարվում է պարտված։

 

ՓԼՎԵԼՈՒ ԽԱՂԸ զարգացնում է՝

  • Ճարպկություն և շարժողականություն,
  • Կենտրոնացում և համբերություն,
  • Կառուցողական մտածողություն։
]]> Ով եմ ես – Մեքենաներ https://hol.am/ovemyes_meqenaner/ Wed, 30 Apr 2025 06:47:16 +0000 https://hol.am/?post_type=product&p=32669 Խաղաքարտերը հարկավոր է լավ խառնել և սեղանին դնել այնպես, որ գուշակվող մեքենաների նկարները լինեն ներքևում:

Հարկավոր է, որ բոլոր մասնակիցները իրենց գլխին հագնեն խաղաքարտերի համար նախատեսված գլխակապերը:

Որոշեք խաղի մեջ մտնելու հերթականությունը, իսկ եթե դժվարանում եք, արեք դա ըստ տարիքի՝ փոքրից մեծ:

Առաջին մասնակիցը, չնայելով խաղաքարտերին, վերցնում է դրանցից մեկը և դնում իր ճակատին: Քարտի վրա գրված է՝ ով է նա, օրինակ«Ֆեռարի» կամ «Բուգատի», որոնց տեսնում են խաղի բոլոր մասնակիցները՝ բացի ճակատին խաղաքարտ ունեցող մասնակցի:

Շրջեք ավազի ժամացույցն այնպես, որ ավազը սկսի թափվել: Ամբողջովին թափվելու տևողությունն է՝ 1 րոպե:

1 րոպեի ընթացքում ճակատին խաղաքարտ ունեցող մասնակիցը իր խաղընկերներին ԱՅՈ կամ ՈՉ պատասխանը ունեցող տարբեր հարցեր ուղղելու օգնությամբ պետք է պարզի, թե ով է ինքը, գուշակելով այն բառը, որը գրված կլինի իր խաղաքարտի վրա: Կարելի է օգտվել և խաղաքարտերի վրա գրված հարցերից, և ինքնուրույն հարցեր հորինել:

 

Եթե 1 րոպեի ընթացքում ճակատին խաղաքարտ ունեցող մասնակիցը կռահում է մարզիկին, ապա ստանում է 1 միավոր, և խաղաքարտը դուրս է գալիս խաղից, իսկ եթե ոչ՝ խաղաքարտը դուրս է գալիս խաղից առանց միավորի:

 

Խաղը հաղթում է ամենաշատ միավորներ հավաքած մասնակիցը:

]]> Գրենք ջնջենք https://hol.am/grenq-jnjenq/ Tue, 06 Aug 2024 12:45:15 +0000 https://hol.am/?post_type=product&p=32477 Խաղում ներառված են 2 տեսակի 150 խաղաքարտ, ավազի ժամացույց, 4 մաքրվող մակերես ունեցող քարտ և 4 մաքրվող գունավոր նշիչներ։

Նախքան կսկսեք խաղը, անհրաժեշտ է որոշել հաղթական միավորների քանակը կամ ֆիքսել շրջափուլերի քանակը։

Մասնակիցների թիվը 2-ից 4-ն է։ Խաղը սկսելիս յուրաքանչյուր մասնակից իր մոտ պետք է վերցնի մաքրվող մակերես ունեցող հատուկ քարտը և մեկ գունավոր նշիչ։ Սեղանի վրա առանձին տրցակներով անհրաժեշտ է դնել ՍՏԱՆԴԱՐՏ և ԲԼԻՑ տեսակի խաղաքարտերը։ Մասնակիցներից մեկը կամ բոլորը՝ յուրաքանչյուր շրջանի ժամանակ հերթով բացում են մեկ թեմատիկ խաղաքարտ և դնում խաղասեղանին, այնպես, որ այն տեսանելի լինի բոլոր խաղընկերների համար։

Խաղաքարտը բացելուն պես ավազի ժամի օգնությամբ ֆիքսում ենք 1 րոպե ժամանակը, որի ընթացքում մասնակիցները պետք է գրեն բառեր, որոնք վերաբերում են քարտի վրա գրված բառին կամ բառակապակցությանը։

Պատասխանի տրամաբանությունը կառուցված է հետևյալ կերպ։ Օրինակ, եթե ընկել է ԿԵՆԴԱՆԻՆԵՐ կատեգորիան, ապա կարելի է թվարկել  կենդանիների անունները, եթե ընկել է ԱՎՏՈՄԵՔԵՆԱՆԵՐ կամ ՀԱԳՈՒՍՏ կատեգորիան , ապա թույլատրվում է օգտագործել նաև ապրանքանիշի անվանումը: Իսկ  օրինակ ԹԱՆԳԱՐԱՆՆԵՐ և նման այլ կատեգորիայի դեպքում կարող եք օգտագործել անգամ կոնկրետ տեղանուններ՝ օրինակ ԷՐԵԲՈՒՆԻ ՏՈՒՆ-ԹԱՆԳԱՐԱՆ։

Մենք առաջարկում ենք խաղի 3 կանոններ՝ ՕՐԻԳԻՆԱԼ, ԹԻՄԱՅԻՆ և ԲԼԻՑ, որոնք կարող եք խաղալ և առանձին և յուրաքանչյուր շրջափուլից հետո խաղի սցենարը փոխելով։

Յուրաքանչյուր շրջափուլ տևում է 1 րոպե, իսկ ժամանակը սպառվելուն պես ավարտվումէ  նաև քարտի վրա բառեր ավելացնելու իրավունքը։

Կանոն N1 – ՕՐԻԳԻՆԱԼ

Այս դեպքում խաղացողները ստանում են մեկ միավոր յուրաքանչյուր օրիգինալ  պատասխանի համար, որը չի գրանցվել այլ խաղացողների կողմից։ Եթե ​​պատասխանը համընկնում է մյուս խաղացողներից առնվազն մեկի պատասխանի հետ,ապա պատասխանը միավոր չի բերում ։ Պատասխանների քանակը այս փուլում սահմանափակված չէ։

 

Կանոն N2 – ԹԻՄԱՅԻՆ

Այս դեպքում , ընդհակառակը, որքան շատ խաղացողներ են տվել նույն պատասխանը, այնքան ավելի շատ միավորներ են նրանք վաստակում։ Յուրաքանչուր համընկման համար այն խաղացողները, որոնց պատասխանները նույնն են, ստանում են մեկական միավոր: Պատասխանները, որոնք չեն համընկնում այլ խաղացողների պատասխանի հետ, միավորներ չեն բերում։ Պատասխանների քանակը այս փուլում նույպես սահմանափակված չէ։

 

Կանոն N3 – ԲԼԻՑ

Այս փուլում խաղացողները օգտագործում են միայն ԲԼԻՑ կատեգորիայի քարտերը։

Խաղացողները պետք է գրեն մեկ պատասխան յուրաքանչյուր  կատեգորիայի համար, այսինքն՝ ընդհանուր առմամբ ոչ ավել, քան  6 պատասխան։  Միավորները  շնորհվում են  նրանց, ում պատասխանը չի համընկնում այլ խաղացողների պատասխանների հետ։ Յուրաքանչյուր յուրօրինակ պատասխանի համար այս փուլում խաղացողը ստանում է երկուական միավոր։

***

Խաղացողների համաձայնությամբ այս երեք խաղային կանոնները կարող են լրացուցիչ կրկնվել մի քանի անգամ։

Երբ ժամանակը սպառվում է, խաղացողները հերթով կարդում են իրենց պատասխանները և հաշվում են միավորները՝ ըստ տվյալ փուլի կանոնների։ Հաղթող մասնակիցը որպես միավոր իր մոտ է վերցնում բացված խաղաքարտը։

Խաղը հաղթում է առավելագույն խաղաքարտեր՝ միավորներ ունեցող մասնակիցը։

]]> Ով եմ ես – Ֆուտբոլ https://hol.am/ovemyes-football/ Wed, 27 Mar 2024 14:40:00 +0000 https://hol.am/?post_type=product&p=32323 Խաղաքարտերը հարկավոր է լավ խառնել և սեղանին դնել այնպես, որ գուշակվող ֆուտբոլիստների նկարները լինեն ներքևում:

Հարկավոր է, որ բոլոր մասնակիցները իրենց գլխին հագնեն խաղաքարտերի համար նախատեսված գլխակապերը:

Որոշեք խաղի մեջ մտնելու հերթականությունը, իսկ եթե դժվարանում եք, արեք դա ըստ տարիքի՝ փոքրից մեծ:

Առաջին մասնակիցը, չնայելով խաղաքարտերին, վերցնում է դրանցից մեկը և դնում իր ճակատին: Քարտի վրա գրված է՝ ով է նա, օրինակ՝ «Լիոնել Մեսսի», «Կրիշտիանու Ռոնալդու» կամ «Նեյմար», ում տեսնում են խաղի բոլոր մասնակիցները՝ բացի ճակատին խաղաքարտ ունեցող մասնակցի:

Շրջեք ավազի ժամացույցն այնպես, որ ավազը սկսի թափվել: Ամբողջովին թափվելու տևողությունն է՝ 1 րոպե:

1 րոպեի ընթացքում ճակատին խաղաքարտ ունեցող մասնակիցը իր խաղընկերներին ԱՅՈ կամ ՈՉ պատասխանը ունեցող տարբեր հարցեր ուղղելու օգնությամբ պետք է պարզի, թե ով է ինքը, գուշակելով այն բառը, որը գրված կլինի իր խաղաքարտի վրա: Կարելի է օգտվել և խաղաքարտերի վրա գրված հարցերից, և ինքնուրույն հարցեր հորինել:

 

Եթե 1 րոպեի ընթացքում ճակատին խաղաքարտ ունեցող մասնակիցը կռահում է մարզիկին, ապա ստանում է 1 միավոր, և խաղաքարտը դուրս է գալիս խաղից, իսկ եթե ոչ՝ խաղաքարտը դուրս է գալիս խաղից առանց միավորի:

 

Խաղը հաղթում է ամենաշատ միավորներ հավաքած մասնակիցը:

]]> Ֆուտբոլ 10 Բառախաղ https://hol.am/football10/ Tue, 26 Mar 2024 14:29:25 +0000 https://hol.am/?post_type=product&p=32318 ՖՈՒՏԲՈԼ 10 բառախաղը մեր ամենապահանջված ինտելկտուալ խաղի ֆուբոլային տարբերակն է:

Տուփում կան խաղաքարտեր, կանոնների թերթիկ և մեկ ավազի ժամացույց:

Մասնակիցները պետք է 1 րոպեի ընթացքում հնարավորինս շատ բառեր բացատրեն՝ չօգտագործելով գուշակվելիք բառի անմիջապես ներքևում գրված՝ արգելված բառերը:

Խաղը հրաշալի միջոց է ժամանցն ու գիտելիքի ձեռքբերումը համատեղելու, միտքը մարզելու, այլընտրանքներ գտնելու, առողջ մրցակցելու և արգելքներ հաղթահարելու համար: Սա խաղ-մարտահրավեր է, որը կարող են ընդունել և որին կարող են մասնակցել բոլորը՝ թե ֆուտբոլային «գերազանցիկները», թե ֆուտբոլի մեծ աշխարհում առաջին քայլեր անողները. չէ՞ որ ինտելեկտը գնահատական չի հարցնում:

]]> Մասնակիցներ

Խաղը կարող է սկսվել, եթե կա առնվազն չորս մասնակից: Խաղը թիմային է, կարող ենք խաղալ ինչպես 2-ական, այնպես էլ մրցակցությունը սրելու համար երեք և ավելի թիմերով՝ յուրաքանչյուր թիմում ներառելով առնվազն երկու մասնակից:

Խաղի սկիզբը

Թիմերով նստում ենք միմյանց դիմաց՝ մեր առջև դնելով խաղաքարտերը: Խաղաքարտերը դնում ենք այնպես, որ տեսանելի չլինեն գրված բառերը: Թիմի մասնակիցներից մեկը վերցնում է որևէ խաղաքարտ, շրջում ավազե ժամացույցը և մեկ րոպեի ընթացքում թիմակիցներին սկսում բացատրել խաղաքարտի վրա գրված գլխավոր բառը:

ՈՒՇԱԴՐՈՒԹՅՈՒՆ

Հենց այստեղ էլ սկսվում է ամենահետաքրքիրը: Բառը բացատրելուց առաջ մասնակիցը պետք է մտքում ընթերցի անմիջապես նրա տակ գրված երեք արգելված բառերը: Այս բառերը նա չպետք է գործածի գուշակվելիք բառի բացատրության ընթացքում, ինչպես նաև չի թույլատրվում օգտագործել ո՛չ գուշակվելիք, ո՛չ արգելված բառերի բառարմատները կամ օտարալեզու տարբերակները: Եթե հաջողվում է մեկ րոպեի ընթացքում կռահել երեք բառն էլ, խաղացողը անմիջապես վերցնում է հաջորդ խաղաքարտը և այդպես շարունակում մինչև ժամանակի ավարտը: Յուրաքանչյուր կռահված բառ թիմին բերում է մեկ միավոր: Սակայն, եթե խաղի ընթացքում մասնակիցը գործածել է արգելված բառերից որևէ մեկը, բառարմատ կամ օտարալեզու տարբերակ, ապա միավոր ոչ միայն չի տրվում, այլև խաղացողը հնարավորություն չի ստանում վերցնել հաջորդ խաղաքարտը:

Յուրաքանչյուր կռահած բառ բերում է 1 միավոր, իսկ խաղում հաղթում է այն թիմը, ով խաղի ավարտին ունի ավելի շատ միավոր կամ առաջինն է հատել նախապես ամրագրած միավորների շեմը, ընդ որում, բացատրելու վերջին իրավունքը տրվում է այն թիմին, ով խաղի ընթացքում բոլոր շրջաններին վերջինն է ստացել բացատրելու հնարավություն։

Եթե կասկածամիտ եք և չեք վստահում ձեր մրցակից թիմին, ապա ձեզնից որևէ մեկը կարող է պարզապես կանգնել խաղացող մասնակցի կողքին և հետևել նրան: Կանոնները ավելի խստացնելու համար կարող եք նաև արգելել մրցակից թիմին կիրառել մնջախաղի վարպետությունը կամ ցուցադրել կռահվելիք բառը, եթե այն առկա է շրջակայքում։

Իսկ քանի որ կանոնները խախտելու համար են, ստեղծե՛ք կանոնների ձեր տարբերակը՝ օրինակ մեկ խաղաքարտի վրա եթե կռահել եք երկու բառ, իսկ երրորդը դժվարանում եք, կարող եք վերցնել նոր խաղաքարտ:

Մաղթում ենք ձեզ ուրախ և հետաքրիր ժամանց:

]]> Անատոմուս https://hol.am/anatomus/ Wed, 24 May 2023 05:52:11 +0000 https://hol.am/?post_type=product&p=32160 Խաղի ներառումները՝

  • Մարդու 8 օրգանների տեսքով խաղաքարեր

(յուրաքանչյուր մասնակցի համար  8  հատ,ընդհանուր  32 խաղաքար)

  • Հարցերով թվագրված քարտեր (քանակը՝ 48)
  • Հարցերին համապատասխան թվագրված պատասխաններով խաղաքարտ QR-ով՝ կայքի հղումով
  • Ներքին օրգանների տեսքով 4 գծապատկեր

Խաղի  կանոնները՝

Տարբերակ 1

Խաղի մասնակիցների քանակը – 2-ից 4

Խաղի մասնակիցների հերթականությունը որոշվում է խաղը սկսելուց առաջ՝ ըստ տարիքի աճման, նախ տարիքով փոքրն է խաղում։

Խաղի մասնակիցներից յուրաքանչյուրը վերցնում է իր ներքին օրգանների գծագիրը, հարցերի խաղաքարտերի նախապես խառնված տրցակը դրվում են մեջտեղում և յուրաքանչյուրը ժամացույցի սլաքի ուղղությամբ  սկսում է վերցնել մեկական քարտ։ Մասնակիցները ըստ հերթականության բարձրաձայն կարդում են հարցը, նախ պատասխանում է նա, ում ըստ հերթականության բաժին էր ընկել հարցը, ապա մնացած 3 մասնակիցները՝ ժամացույցի սլաքի ուղղությամբ՝ նշում են այլ հավանական տարբերակներ։  Պատասխանը ճիշտ լինելու դեպքում խաղաքար վերցնելու նախապատվությունը տրվում է նույն հերթականությամբ։ Նա ով ճիշտ է պատասխանել հարցին վերցնում է այդ օրգանի խաղաքարը, որին վերաբերում էր հարցը և տեղադրում իր գծագրի համապատասխան պատկերի վրա։

Կհաղթի այն մասնակիցը, ով կկարողանա առաջինը և լիարժեք հավաքել մարդու կենսական օրգանների գծագիրը։ Եթե բացված խաղաղաքարտերի ավարտից հետո չկա լիարժեք հավաքված ոչ մի գծապատկեր, հաղթում է առավելագույն օրգաններ գուշակած մասնակիցը։

Տարբերակ 2՝ խաղ զուգերով

Խաղի մասնակիցների քանակը – 4

Խաղի մասնակիցները բաժանվում են 2-ական զույգերի, որոնցից  յուրաքանչյուրը ունի իր առանձին գծագիրը, բայց նրանք կհաղթեն միայն այն դեպքում, երբ երկուսի մոտ լիարժեք հավաքված լինի  օրգանների գծապատկերը։

Հարցերով խաղաքարտերը նորից դրվում են մեջտեղում, այս տարբերակում հարցերը չեն ընթերցվում բոլորի համար, յուրաքանչյուրը կարդում է իր բաժին ընկած հարցը իր իսկ համար, ապա տեղադրում իր գծապատկերում իր կարծիքով այդ հարցի  ճիշտ պատասխան համարվող օրգանը։ Այնուհետև ստուգվում է ճիշտ էր արդյոք հարցի պատասխանը։

Եթե վերջինիս նորից ընկնում է հարց, որն իր կարծիքով վերաբերում է այն օրգանին, որն ինքն արդեն ունի գծագրում, հարցը կարող է փոխանցել իր զուգընկերոջը՝ առանց նշելու, որ օրգանի համար է փոխանցում,թիմակիցն ինքը պետք է գլխի ընկնի։

Եթե  ընկնում է այնպիսի հարց, որի պատասխան-օրգանը երկուսն էլ ունեն, ապա 3 այդպիսի քարտերի ճիշտ պատասխանելուց ու հավաքելուց հետո, այն հնարավոր է փոխարինել մեկ անհրաժեշտ օրգանով։  Երբ զույգերից որևէ մեկը հավաքում է գծապատկերի ողջ օրգանները, նա դուրս է գալիս շղթայից և անցնոմ իր թիմակցին օգնելու և միասին ենշարունակում խաղը և միասին են տալիս ճիշտ պատասխաններ, ինչպես նաև լրացուցիչ ճիշտ պատասխաններով խաղաքարտերը փոխանցվում է խաղընկերոջը։

Զույգից 2 մասնակցի գծապատկերների ամբողջական ավարտը ազդարարում է զույգի հաղթանակը։ Զույգը հաղթում է նաև, երբ խաղաքարտերն ավարտվել են և միասին ունեն ավելի շատ հավաքված օրգան քան մրցակիցները։

]]> Ես երբեք https://hol.am/yesyerbeq/ Fri, 17 Feb 2023 07:53:45 +0000 https://hol.am/?post_type=product&p=32137 Ողջույն երիտասարդ՝ առնվազն հոգով։ Ես Կախարդն եմ՝ «Ես երբեք» խաղի պաշտոնական ներկայացուցիչը։ Եկել եմ մի փոքր կյանքդ կախարդանքով լցնելու, բայց հուսամ չես սպասում «աբրակադաբրաների»։ Մենք միասին խաղալու ենք «Ես երբեք․․․» նույն ինքը միջազգային ճանաչում ունեցող ՝ Never have I ever․․․ խաղի մի քիչ կախարդական տարբերակը։ Սկսեմ կանոններից, թե՞ լավ կողմերից․․․Եկեք սկսենք լավ կողմերից (ոչ ոք կանոններ չի սիրում):

Խաղի բուն նպատակը ընկերական հավաքներն աշխուժացնելն ու ջերմ պահեր ստեղծելն է։ Մեկ այլ նպատակ է նաև խաղացողներին անկեղծացնելը․․․Բացի դա, ասում են մեր օրերում ստեղծարար մարդու պահանջարկը մեծ է։ Դե ես էլ՝ ձեր խոնարհ ծառա Կախարդս պատրաստվում եմ զարգացնել ձեր ստեղծարարությունը ու միաժամանակ բացել ձեր աչքերը կյանքի այնպիսի երևույթների շուրջ, որոնց հետ դեռևս չեք ծանոթացել․․․Չէ պետք չի վախենալ, հավես ա լինելու (եթե բոբո ձյաձյաների հետ չեք խաղում)․․․

Հիմա մի քիչ թվերով խոսենք։ Խաղն ունի 2 բաժին՝ «Ես երբե             ք․․․» և «Կախարդ»-ը, որոնցից յուրաքանչյուրում կա 100 համարակալված խաղաքարտ։ «Ես երբեք․․․» բաժնի յուրաքանչյուր խաղաքարտ ունի իր քույր խաղաքարտը ինձ՝ Կախարդիս մոտ՝ ըստ համարակալման։ Խաղը սկսվում է «Ես երբեք․․․» բաժնից խաղաքարտ քաշելով։ Նրանք ովքեր կատարել են խաղաքարտի վրա գրվածը իրենց կյանքի որևէ փուլում՝ ծալում են մատը, ովքեր չեն կատարել՝ գալիս են ինձ մոտ՝ կախարդանքի ուժը զգալու։ Վերցնելով «Ես երբեք․․․» խաղաքարտի համարին համապատասխան խաղաքարտը ինձնից՝ մեր «դեռևս անփորձները» կատարում են իմ առաջարկները՝ կախարդանքն իրականացնելու համար։ Առաջադրանքը կատարելուց հետո անփորձները կախարդվում ու դառնում են փորձառու, և կարող են ծալել մատը։

Հա՜, մոռացա ասել, հաղթում է ամենաշատ ծալած մատներով խաղացողը, այլ կերպ ասած՝ ամենաշատ կյանք տեսածն ու ամենահամարձակը։ Հիմա կասեք մենք լավագույն դեպքում 20 մատ ունենք, բայց նենց էլ չի 20-ն էլ ծալելու եք։ Յուրաքանչյուր 10 մատ լրանալու դեպքում մի տեղ գրանցեք էլի (զգացի՞ք՝ արդեն բացվեցի, անցա ոչ գրական ոճի)․․․Ստեղծագործ եղե՛ք, ստեղծագործ․․․

Լավ կլինի փակ տարածքում խաղանք ու կախարդենք, ու ընկերներով, որ մագլները անիմաստ չանհանգստանան․․․Զգուշացնում եմ՝ ոչ այնքան մտերիմ մարդկանց հետ խաղալու դեպքում հնարավոր են անհարմար պահեր, հետո չասեք չեմ ասել․․․ Մեկ-մեկ համացանցից օգտվելու, գույների, մկրատների ու զիզի-բիզի բաների կարիք եք ունենալու, դրա համար լավ կլինի խաղալ տանը կամ էլ մի կերպ յոլա կգնաք․․․ Ստեղծագործ եղե՛ք, ստեղծագործ․․․

ԿԱՐԵՎՈՐ

  1. Եղեք անկեղծ, որ հավես անցնի։
  2. Կախարդը ոչ բոլոր դեպքերում է կարողանալու ձեզ օգնել։

Դե լավ, շատ չերկարացնեմ, մենք դեռ լաաա՜վ ճանաչելու ենք իրար։ Սպասում եմ ձեզ ինձ մոտ․․․

Ստեղծագործ եղե՛ք, ստեղծագործ․․․

 

 

]]> Խենթ ստոպ https://hol.am/xent/ Tue, 29 Nov 2022 20:27:42 +0000 https://hol.am/?post_type=product&p=31934 ԽԵՆԹ ՍՏՈՊ խաղը արդեն տասնամյակներ շատերի կողմից սիրված և հայտնի խաղի վերածնունդն է՝  նոր կերպարներով։

Խաղում ներառված են 48 խաղաքարտ, 12 կերպարներով, որոնցից 6-ը բարի են և հեշտացնում են խաղի ընթացքը, իսկ մյուս 6-ը՝ չարաճճի, իսկ տրցակում իրենց առկայությունը բարդացնում է խաղի ընթացքը։

Խաղում կգտնեք նաև 2 դիմակ՝ աչքերը փակելու համար։

Խաղը սկսելուց առաջ անհրաժեշտ է բաժանվել զույգերի և իրարից գաղտնի մտածել հուշումներ, որոնք խաղի ընթացքում մասնակիցները կկիրառեն ԽԵՆԹ բացականչելու համար։

Խաղում ներառված դիմակը ցանկալի է օգտագործել, երբ մրցակից խումբը փորձում է պայմանավորվածություն ձեռք բերել իր հուշման մասին։ Հուշումները կարող են լինել խենթից էլ խենթ կամ պարզ՝ օրինակ արագ-արագ թարթել աչքերը կամ հորանջել։

Մենք առաջարկում ենք խաղի 2 կանոն, որը հնարավոր է խաղալ 4 հոգով, սակայն խաղում ներառված խաղաքարտերը և խաղային սցենարները կարելի է օգտագործել նաև յուրովի, իսկ մասնակիցների քանակը հասցնել անգամ մինչև 12-ի։

Խաղը կհաղթի այն զույգը, ով հատել է խաղից առաջ նախապես պայմանավորված միավորների շեմը։ Իսկ խաղը թող սկսի խաղաքարտերը բաժանած մասնակիցը և այդպես յուրաքանյուր շրջանից հետո խաղաքարտերը բաժանելու հնարավորությունը անցնի ժամսլաքի ուղղությամբ հաջորդ մասնակցին։

]]>