3-5 նախադպրոցական – Hol.am

Թատրոնիկ ՊԱՊՆ Ու ՇԱՂԳԱՄԸ

Davo — Mon, 15 Sep 2025 16:20:16 +0000

Թատրոնիկը փոքրիկ ռեժիսորին հնարավորություն է տալիս բեմադրել բոլորի կողմից ամենասիրված հեքիաթների և պատմությունների հիման վրա։
Բեմադրելու համար նախապես անհրաժեշտ է սքանավորել տուփի վրա նշված QR կոդը կամ անցնել նշված հղումով, որից հետո միացնել ձայնագրությունը, հետևել հրահանգներին և լսել խաղում ներառված կերպարների բեմական խոսքը։ Ձայնագրությունը միանանալուն պես հեղինակը փոքրիկին կօգնի տեղափոխվել հեքիաթային աշխարհ և կհուշի՝ ինչպես բեմադրել ներկայացումը։
Տուփում ներառված են հետնաբեմի համար նախատեսված տեսարաններ և մարդուկներ։
Դե ինչ, ներկայացումը սկսվում է։

Թատրոնիկ ԳՆԴԻԿ ԲՈՔՈՆԻԿԸ

Davo — Mon, 15 Sep 2025 16:15:46 +0000

Թատրոնիկ առաջին Սուրբ ԾՆունդը

Davo — Tue, 26 Nov 2024 08:04:57 +0000

Թատրոնիկը փոքրիկ ռեժիսորին հնարավորություն է տալիս բեմադրել մի ներկայացում՝ «առաջին Սուրբ Ծնունդը» աստվածաշնչյան պատմության հիման վրա։ Բեմադրելու համար նախապես անհրաժեշտ է սքանավորել տուփի վրա նշված QR կոդը կամ անցնել նշված հղումով, որից հետո միացնել ձայնագրությունը, հետևել հրահանգներին և լսել խաղում ներառված կերպարների բեմական խոսքը։ Ձայնագրությունը միանանալուն պես հեղինակը փոքրիկին կօգնի տեղափոխվել հեքիաթային աշխարհ և կհուշի՝ ինչպես բեմադրել ներկայացումը։

Տուփում ներառված են հետնաբեմի համար նախատեսված տեսարաններ և մարդուկներ։

Դե ինչ, ներկայացումը սկսվում է։

Զբաղվելիք

Davo — Mon, 02 Sep 2024 12:45:00 +0000

Մենք ստեղծել ենք երեխաների ժամանցի լավագույն հավաքածուն ճամփորդելիս։ Զբաղվելիքի հետ դուք կունենաք `

հատուկ ընտրված խաղեր ճանապարհի համար
30-50ր ՛՛առանց գաջեթ՛՛ ժամանց
ծնողների հանգիստ նյարդեր

Աշխարհի ամենաթեթև ու ամենաբովանդակալից ճամփորդական հավաքածուն փոքրիկ ճանապարհորդների համար։

Լավագույն խաղային հավաքածու այն մասին, թե ինչպես երկու ծնող որոշեցին մեկընդմիշտ լուծել փոքրիկներին զբաղեցնելու հարցը ճամփորդելիս։

Ներառում է՝

ինքնակպչուններ
կոնստրուկտոր
երկկողմանի գրատախտակ
մարկերներ
օրիգամիներ
զբաղվելիք փոքրիկի համար

Պուկ Տիպուկ

Davo — Thu, 27 Jul 2023 11:39:47 +0000

Պուկ Տիպուկ մանկական ժամանցային սեղանի խաղը նախատեսված է 3 տարին լրացած բոլոր փոքրիկների և նրանց ընտանիքի անդամների համար:

Խաղում ներառված են մանկական ուսուցողական ֆիլմաշարի անիմացված 5 մարդուկները՝ Պուկը, Տիպուկը, Չարուկը, Արջուլինոն և Թիթին: Խաղում կգտնեք նաև քարտեզ, որի դաշտերով անցնելու են խաղային մարդուկները, ինչպես նաև զառ, որի օգնությամբ որոշվելու է քայլերի քանակը: Իսկ խաղը ավելի կհետաքրքրացնեն կերպարների համար նախատեսված դրամիկները:

Դրամիկները 5 տեսակի են, յուրաքանչյուր տեսակից 20 հատ: Դրամիկները խաղի սկզբում անհրաժեշտ է հատկացնել խաղի մասնակիցներին, ըստ ընտրված կերպարի՝

Պուկ – խնձոր

Տիպուկ – խաղող

Չարուկ – սրվակ

Արջուլինո – մեղր

Թիթի – թիթեռ

Խաղը սկսելու համար անհրաժեշտ է առնվազն 2 մասնակից: Մարդուկների ընտրությունը կատարում ենք ըստ խաղի մասնակիցների տարիքի՝ նախ փոքրերը և հետո նոր ըստ հերթականության մեծերը:

Խաղը նույնպես սկսում ենք ըստ տարիքի աճման կարգի, իսկ նախքան կսկսենք խաղը, յուրաքանչյուր մասնակցի անհրաժեշտ է տրամադրել իր 20 դրամիկները: Իսկ քարտեզը սեղանի վրա պետք է տեղադրել այնպես, որ տեսանելի լինի բոլոր մասնակիցներին:

Խաղի սկզբում բոլոր մասնակիցները կանգնում են սկիզբ դաշտի վրա, այնուհետև առաջին մասնակիցը նետում է զառը և քայլ կատարում զառի բերած թվին համապատասխան: Քարտեզի վրա կան դաշտեր, որտեղ խաղի մասնակիցը կամ կստանա առավելություն կամ ստիպված կլինի վճարել դրամիկներով, որպեսզի հետ չընկնի խաղի ընթացքից: Եթե դրամիկները արդեն սպառվել են, ապա մասնակիցը ստիպված է կատարել տվյալ դաշտում նշված տուգանային առաջադրանքը:

Խաղը հաղթում է ավարտ դաշտ առաջինը հասած խաղի հերոսը: Ի դեպ, եթե վերջին զառի նետումը գերազանցում է ավարտին հասնելու քայլերի քանակը, ապա այդ դեպքում ևս, մասնակիցը դառնում է խաղի հաղթող:

Մաղթում ենք ուրախ ժամանց ու լի՜քը հաղթանակներ:

Կոսմո էքսկուրսիա

Davo — Fri, 09 Dec 2022 12:10:15 +0000

Մասնակիցների քանակ 2-4 Տիեզերքին ծանոթանալու հրաշալի միջոց։

Խաղում ներառված են խաղաքարտեր, քարտեզ, զառ, մարդուկներ:

Խաղում ներառված խաղաքարտերը փոքրիկին կծանոթացնեն տիեզերական հետաքրքրաշարժ աշխարհին և կստիպեն կատարել հետաքրքիր ու ակտիվ առաջադրանքներ։

Դեպի դպրոց

Davo — Tue, 01 Mar 2022 12:11:08 +0000

ԴԵՊԻ ԴՊՐՈՑ նախատեսված է 5-7 տարեկան նախադպրոցական և դպրոցական տարիքի երեխաների համար:
Խաղի մեջ ներառված են 100 վարժություններով խաղաքարտեր, որոնք կարող են օգտագործվել բազմակի՝ շնորհիվ իրենց հատուկ թաղանթապատ արտաքին շերտի։ Խաղն ուսուցողական է, զարգացնում է երեխայի տրամաբանությունը, ուշադրությունը, լեզվամտածողությունը, հիշողությունը, աշխարհընկալումը և նուրբ շարժողական հմտությունները։ Խաղի ավարտին կարելի է պարզապես մաքրել կատարված առաջադրանքերը և կրկին խաղալ։

Ներառում է 100 լամինացված խաղաքարտ և մաքրվող մարկեր։

Ով եմ ես

Admin — Mon, 31 Jan 2022 05:34:00 +0000

Խաղաքարտերը հարկավոր է լավ խառնել և սեղանին դնել այնպես, որ գուշակվող բառերը լինեն ներքևում:

Հարկավոր է, որ բոլոր մասնակիցները իրենց գլխին հագցնեն խաղաքարտերի համար նախատեսված գլխակապերը:

Որոշեք խաղի մեջ մտնելու հերթականությունը, իսկ եթե դժվարանում եք, արեք դա ըստ տարիքի՝ փոքրից մեծ:

Առաջին մասնակիցը, չնայելով խաղաքարտերին, վերցնում է դրանցից մեկը և դնում իր ճակատին: Քարտի վրա գրված է՝ ով է նա, օրինակ՝ «կատու», «խարիսխ», «աչք», որը տեսնում են խաղի բոլոր մասնակիցները՝ բացի ճակատին խաղաքարտ ունեցող մասնակցի:

Շրջեք ավազի ժամացույցն այնպես, որ ավազը սկսի թափվել: Ամբողջովին թափվելու տևողությունն է՝ 1 րոպե:

1 րոպեի ընթացքում ճակատին խաղաքարտ ունեցող մասնակիցը իր խաղընկերներին տարբեր հարցեր ուղղելու օգնությամբ պետք է պարզի, թե ով է ինքը, գուշակելով այն բառը, որը գրված կլինի իր խաղաքարտի վրա: Կարելի է օգտվել և խաղաքարտերի վրա գրված հարցերից, և ինքնուրույն հարցեր հորինել:

Եթե 1 րոպեի ընթացքում ճակատին խաղաքարտ ունեցող մասնակիցը կռահում է բառը, ապա ստանում է 1 միավոր, և խաղաքարտը դուրս է գալիս խաղից, իսկ եթե ոչ՝ խաղաքարտը դուրս է գալիս խաղից առանց միավորի:

Խաղը հաղթում է ամենաշատ միավորներ հավաքած մասնակիցը: