Ինչպե՞ս հեշտ սովորեցնել նոր լեզու երեխաներին

Երբ մարդը սկսում է ուսումնասիրել նոր լեզու փոքր տարիքից, ապա այն ավելի հեշտ է յուրացնում ու ավելի հիմնային է լինում։ Ներկայացնում ենք մի քանի միջոց, որ կօգնեն երեխաներին ավելի հեշտ սովորել նոր լեզու։

1. Խոսեք նրա հետ այդ լեզվով։ Երբ երեխայի ականջին անընդհատ նոր լեզվով արտահայտություններ են հնչում, նա մեխանիկորեն հիշում է դրանք, իսկ ժամանակի ընթացքում, նույնիսկ առանց օգնության, նա իմանում է թարգմանությունները։ Եթե չեք կարողանում խոսել այդ լեզվով, ապա միացրեք տարբեր հաղորդումներ, մուլտֆիլմեր կամ ֆիլմեր այդ լեզվով, որպեսզի երեխան դիտի։ Սրանք նույնպես գործում են նույն մեխանիզմով․ ինչքան շատ է լսում, այդքան շուտ է մտապահում։
2. Ունեցեք հստակ գրաֆիկ երեխաների հետ։ Կապ չունի օրական կպարապեք 3 ժամ թե 30 րոպե, անընդհատ տեմպի մեջ լինելը օգնում է շուտ սովորել լեզուն։ Երեխաների դեպքում դա շատ օգտակար է, քանի որ նրանք անընդհատ տարբեր մտքերի մեջ են, և ժամանակ առ ժամանակ նրանց հիշեցնելը նոր լեզու սովորեցնելու մասին նրանց կպահի տեմպի մեջ։
3. Ամեն օր սովորեցրեք նրանց 5-7 նոր բառ։ Նոր լեզու սովորել նշանակում է սովորել այդ լեզվի բառապաշարը։ Քանի որ անհնար է օրական փոքրիկին սովորացնել մեծ քանակությամբ բառեր, ապա ավելի լավ կլինի սովորացնել քիչ-քիչ։ Կարող եք սկսել այն բառերից, որոնք առկա են Ձեր տանը, օրինակ՝ հեռուստացույց, սառնարան, և օրվա մեջ մի քանի անգամ նրանց հարցնել թարգմանությունները։ Այպես նրանց մոտ ավելի լավ կտպավորվեն բառերը։